真係好鍾意好鍾意呢張相..
3 個小朋友都流露出開心天真既笑容...
希望你地第日大個都要好似呢張相咁好呀!!!
所以見到ELLESSE有一個＂一秒感動＂既相片比賽又忍唔住又拎去參展!!!
見到佢地咁開心真係好感動...
請大家去下面既website 幫下手like下啦!!
2010年7月22日 星期四
書展2010
又係一年一度既書展...
今年有諗過去唔去..
因為屋企又唔係大,
都冇乜地方放書...
同埋其實係書展買野既discount又唔係特別多,所以都考慮緊去唔去...
不過最後同契媽商討過之後都係去啦...
因為去書展係我地每年都必去既事
唔去又好似唔知點咁...
去就去下啦!!!
因為冇乜目標要買,
所以我地都好relax..
下午食埋lunch 先去啦..
是日lunch係契媽好介紹CWB日本餐廳 - 穴,
契媽話平時晚餐呢道要二三百一個人,
但午餐就抵好多一百蚊都有找啦..
我地叫左一個$78 既set, 可以叫2款野食..
生既有4 款, 熟既都有4款..
我就梗係叫晒生野啦..
有uni 同埋tuna 魚蓉...
見到d食物黎又有surprise..
原來係2碗細飯...
正... 成碗uni 飯呀!!! 好新鮮呀!!! 好好好味!!!
呢個set 重有沙律, 湯同埋ice cream跟架..
以食物既質素, 地方真係抵抵抵...
(可惜既係影左ｄ相又唔見左!!)
********************************
食飽, 我地出發去書展lu..
係cwb 坐bus 唔洗15mins 就到啦..
我地第一站去左兒童天地先..
呢個展覽館好似大過往年好多...
見到好多好多比幼兒既書..
好想買比彤彤..
不過因為我地又就黎搬同埋婆婆之前又係澳洲買左一大埋書比彤彤,
咁我都係決定出年先買啦..
等彤彤返左學, 睇下學校係教d咩先再配合啦!!!
呢一年既書展好似比往年細...
成人書果d往年都有2 個展覽館, 不過 年好似得番一個...
同埋好似細左好多咁架..
又好似唔見左好多出版,
不過又唔係呀, 行行下都見到佢地呀..
什麼商務, 皇冠, 明報 等等..
呢一次去既目的都冇..
只係有個任務要幫朋友買書 - 馬仔既"我的低能湊b之道...
之後又要幫彤爸既朋友買書
而我自己只係買左呢2本Cake Book...
本想買多幾本,
不過怕自己因為湊彤唔夠時間做..
同埋最大既問題係冇地方放呀!!!
所以買住2本先啦...
做到既話出年再買多幾本!!!
2010年7月1日 星期四
22個月大啦...
又一個月啦..
倒數倒數..重有2個月就2歲,
彤彤呢個月都係咁啦..
仍然好好動, 好活躍...
一情況:
體重: 唔知
身長: 冇度過...
牙仔: 好多, 好多, 醫生話佢仍然係出緊牙仔喎...
食野情況:
3餐奶奶 - 180 - 200ml (一定食剩20ml, 都唔明點解??)
想轉fresh milk ... 唔知幾時同埋轉唔轉好....
飯仔 - 平日係屋企會做飯仔佢食...
出街既時間會比出面既飯佢食..
除左飯有時都會食下粉粉 - udon, 字母粉, 貝殼粉, 通粉等等
水果 - 好鐘意食...
其他 - 餅餅, yogut, 包包, cheese ...
作息時間表:
7:45am - 8:00am: 起身, 食奶奶 之後玩玩玩
8:30am - 9:30am: 坐toliet , 玩玩玩
9:30am - 10:30am: 洗白白, 食morning tea
10:30am - 12:00pm: 玩... 已經cut 左 morning nap啦!!
12:00pm - 1:30pm: lunch
1:30pm - 4:30:00pm: afternoon nap
4:30pm - 6:00pm: afternoon tea / 玩
6:00pm - 6:30pm: 晚餐
6:30pm - 9:00pm: 玩玩玩, 食snack
9:30pm - 飲奶奶, 覺覺豬
學野情況:
~ Toliet training - 應該可以叫做成功績啦!! 宜家係屋企唔瞓時就唔會用片, 去近近地短途都唔會用片..希望快d進步到一d都唔洗用就好啦!!
~ 指令 - 時聽時唔聽
~ 鐘意唱歌同dancing!!
~ playgroup 都enjoy, 不過真係坐唔定.. 點先可以令佢坐定d??
~ 好多好多太空話!!! 唱歌時會跟人口水尾講最尾個發音...
片片:
~ L 碼!
Overall:
好忟唔知同唔同天氣有關...
呢排唔知點解又番轉頭 - 好依賴個咀咀..
我真係好想彤彤快d戒左佢..
不過呢d真係要全屋人合作先得...
希望快d啦..
訂閱：
文章 (Atom)