2009年12月31日 星期四

除夕大餐@ Agnes B.

除夕夜, 豬媽約左一大班bb朋友仔叫埋我地一起去大榮華食晚餐之後一起倒數...
不過同彤爸商討過之後我地都係決定唔去啦..
因為彤彤一到9:30pm倒就開始lor lor luen 要瞓覺架啦..
我地怕等候倒數期間彤彤發眼瞓din 影響到大家既興致呀!!!
回想係上一年, 彤彤因為只係幾個月大成日都要瞓覺, 所以我地都只係係屋企過!!!
咁呢一年除夕彤彤大個左好多, 又會行又會走.....
咁我地去邊樹好呢??
婆婆同舅父佢地叫左我地去食Agnes b 食除夕大餐呀..
起初都有d怕同埋彤彤一起去...
因為怕彤彤disturb到其他人呀!!
不過舅父話我地去又一城果間冇cwb果間咁fine dinning既, 所以我都安心d..
呢間agnes b 係 agnes b sports 入面架...
好彩呢一晚唔係太多人, 真係有d怕disturb到其他人架....
呢道係冇 high chair, 好明顯係唔歡迎bb架 !!!
不過話雖如此 , d waiter 哥哥同姐姐都對彤彤好好呀 !!!
彤彤一坐低就送左一男一女既agnes b餅餅比佢啦!!
好彩呢一晚彤彤都唔係太失禮...
我地叫左好多野食...
餐前bread 好正, 係自家焗架...
有Agnes b 個 logo 係樹...
mussle 好好味...
呢個黑毛豬好正, d 肉質好好食呀!!
Crepe 都唔錯...
呢個飯就一般啦...
可能佢太似意大利果d質感呀.. (生米)
彤彤既至愛 - 意粉!!
甜品係cake.. 一向好鍾意食agnes b 既cake...
彤彤都好有興趣喎...
不過呢一晚有好多款都賣晒啦!!
呢個souffle, d 人係openrice勁贊, 不過唔係咁好食...
呢一晚我地好滿意呢一個除夕大餐呀...
呢個除夕大餐為我地既2009年上一個完美既句號!!!
食飽飽彤爸去左影又一城聖誕樹...
佢想影好耐架啦....
宜家終於可以影到啦!!!

2009年12月27日 星期日

沙田snoopy show 快影閃

又係突然一聚....
27號假期最後一日...
原本係plan左係休息休息....
不過因為彤爸"自摸奶奶"
所以打比最佳拍擋仁哥睇下佢地得唔得閒出黎食晚飯啦...
原來雞家正準備出去行沙田ikea, 所以我地又跟埋一起去啦...
入去途中, 豬家打黎, 原來佢地都悶.. 又想找節目...
大家真係心靈相通啦!!!
咁我地約黎個沙田突然一聚啦!!!
雞家同我地到先...
我地去左行ikea... 原來ikea搬左喎...
好似大左好多...
本想比彤彤周圍行下, 特別係兒童傢俱個道,
不過因為彤彤瞓左... 而ikea又真係好多人.. 所以下次先啦...
原來ikea呢道有餐廳架...  我地係樹食左下午茶...
下次不如係機食lunch or dinner啦... 想試好多野呀!!
呢道also有個波波池, 不過因為雞雞同埋彤彤唔夠高, 所以冇得入去玩啦!!!
豬家到左啦..
我地約左係沙田市中心等..
原來宜家有一個snoopy show呀,
咁我地又一起影下相啦..
snoopy... 我唔係特別like, 原來bb都一樣..
佢地好似鍾意kitty 同miffy多d!!!
佢地成場走黎走去.. 冇一分鐘係可以停低...
呢道好細..不過好多級, 所以捉住佢地又上又落都係幾累架...
我地都manage影到大合照!!!
影完相, 我地去食飯啦...
去左食日本野...
呢道都ok呀.. 比左出面個大位我地坐..
地方闊落d, 又唔怕bb們disturb到其他人...

2009年12月26日 星期六

Boxing Day - JWT Gym

Boxing Day 亦係 Gym Day!!!!!
真係好.. 可以有個節目比bb們放下電!!!
3小b又一起上堂啦...
瑤瑤早我地一個鐘頭上英文...
不過佢放左學都等會埋我地一起lunch!!!
大家一起圍圈圈唱下歌仔先...
之後又去最愛既波波池...
同埋sir滑梯...
媽媽們不停咁追住bb們跑呀跑...
真係唔只bb做gym, 我地都做緊運動架!!!
話咁快又45min 啦...
今日上完堂, 我地要快快走呀.
因為瑤家係出面等緊我地去飲茶架!!!

Boxing Day - 型仔 4 Family 1881影型仔相

去完gym我地就去飲茶,
飲茶期間彤爸突然提議去1881影相...
大家都立即舉腳贊成呀!!
之後就立即打比仁哥call佢起身出發啦...
話咁快我地就去到豬媽屋企集合啦!!!
因為彤彤差緊電, 所以3小b係樹等仁哥其間影左一陣相..
呢張相既感覺好似我地以前細個係屋企樓下影相feel...
去到TST真係好多人呀!!!
1881呢道真係好靚呀!!!
不過人就多左少少 ... 重要係好多大陸人呀!!!
原本我地係正正經經影相架...
不過有" 人 " 見到有一對新人係樹影婚紗相, 重擺埋一d好攪笑既pose呀
就提議就我地係旁邊擺出同佢地一樣或者正d既pose啦!!!
重要係唔望鏡頭扮晒有型咁呀!!!
真係好好玩!!! 好耐冇試過咁玩啦....
對上一次咁玩法好似係讀書果陣啦..
估唔到宜家抱埋BB都可以影番呢D相!!! 正呀!!
睇下雞家幾投入!!!
瑤瑤面上流露出奇怪既眼神:  乜你地班大人咁騎呢架??!!
唔知我地影緊相果陣有冇人都係用既奇怪既眼光呢??
好.. 轉一轉景先...
好大既1881聖誕樹呀!!!
重有臨記陪埋我地影呀
影左一陣相發覺越黎越多人, 同埋個天都開始黑啦...
咁我地都走啦...
下次我地再黎影過!!!
重要擺多D型D既pose先得... hahaha

Boxing Party - 繼續party

影完相, 我地又要趕下場啦..
係呀.. 我地又去開party..
我地係去表哥仔屋企開party呀!!!
冇見咁耐, 表哥仔叻左好多呀..
唱歌仔又會做手勢,
又會講好多野..
大2個月之嗎... 真係叻咁多..
彤彤, 你真係蠢蠢表妹呀!!
你要跟表哥仔學習下先得啦!!!
我地同表哥仔交換禮物先....
表哥... 聖誕快樂呀!! 希望你鍾意份禮物啦!!
而彤彤亦好鍾意表姨送既Hello Kitty Supermarket 車仔呀!!!
黎親姨婆道, 梗係大把野食架啦!!!
因為掛住食野, 所以都唔記得影相啦!!!
食飽飽我地又黎玩交換禮物啦!!!
Monkey表哥同表妹, 不停係道玩個cushion!!!
不過呢D唔係你地既, 係我地大人既禮物黎架!
玩完, 我地就趕返屋企啦,
因為今日連跑左3場, 大家都好累啦!!!