2008年7月25日 星期五

好busy既一日

今日又係全職媽媽的一天...
因為彤爸又有好多精彩節目唔得閒理我地!!!
今日其實我地既節目都係好正呀...
我地下午原先係約左Jayden去游水呀...
所以早上彤彤要瞓覺先...
不過因為臨時有d事做所以被迫要放佢地飛機啦..
唔好意思... 我地下次再約過你地啦!!!
咁等彤彤瞓醒我地就出發啦..
會合埋婆婆辨完事後我地就約左表哥到新城市下午茶啦!!!
一去到拿拿淋比支下午茶奶奶彤彤先..
食飽充滿體力.. 彤彤又開始百厭啦!!!
相爬去表哥道..不過嚇親表哥仔啦...
食飽野我地又出發行下街啦!!!
彤彤重要坐埋表哥架車車呀!!
平時自己架車車又唔見係坐...
明知表哥怕彤彤, 我又放埋表哥落去一起坐..
哈哈... 表哥就黎怕左我地兩母女啦!!!
表哥初初都冇乜野..
不過當彤彤坐佢近d佢就想走啦.. hahahaha
行完街街, 我地去左姨婆屋企拎埋d飯仔, 因為我地要去出發去第二個目的地啦..
不過走之前又要攪喊,下表哥仔先...kekeke
下一站係cwb.. 我地約左契媽 & Mable姐姐食飯...
所以媽媽同埋彤彤二人就乘巴士由馬鞍山去cwb啦..
彤彤未去到巴士站已經瞓左啦..
都好架.. 差差電先, 因為都要成1個鐘頭車程呀!!!
重以為我地會遲到呀.. 點知我地竟然係最早到呀..
我地晚餐既地點係 - 益新 - 位於渣甸山..
呢道幾好架.. 因為好大同埋唔多人..
未有食物時彤彤就好似冇乜心機咁呀..

我地雖然係3個女仔一個b食飯...
我地叫左都幾多野食.. 真係眼闊肚窄啦...
食物有:
係咪好多野食呢..
樣樣都好好食架..
不過實左太多.. 所以都食唔晒.. 唯有打包啦...
而我地食緊飯個陣.. 百討彤彤又做緊乜呢?
佢咪係道古靈精怪啦..
又不段問我地拎野食!!!
呢一晚真係好開心呀..
我地真係好充實, 成個香港都比我地去晒啦..
哈哈哈.. 勁嗎!!! 
********
最後,
多謝契媽同埋Mable姐姐陪左我一晚...
呢一晚好開心可以同你地食飯&傾計...
好想可以同埋你地一起去旅行, 睇戲, 行街同埋玩...
不過我都知道我湊住b真係煩d架啦...
可以出黎食餐飯我已經好開心架啦..  
多謝你地唔介意彤彤又嘈又naughty....
希望冇嚇親你地啦.....
好期待下一次既約會呀!!!